Polemizuesit | Luis Antuñano

Në kafenenë e përhershme disa të rinj bisedonin mbi shkrimin dhe fonetikën. Santiagasi Albarrasin që nuk dinte as të lexonte e as të shkruante, por mendonte që edhe Kabrera e shpërfillte analfabetizmin e tij; pohon se fjala sjellka nuk mund të shkruhet. Kristiano Kabrera, gjithashtu analfabet, këmbëngul se cilado fjalë qoftë, për aq kohë sa flitet gjithashtu mund të shkruhet.
-Do ju paguaj dhe nga një pije tjetër të gjithëve, – tha santiagasi, – nëse arrin ta shkruash.
-Është thjesht një lojë, – i përgjigjet Kabrera; rrëmben thikën dhe me majën e saj nis të gërryejë mbi dyshemenë prej dërrase.
Nga pas, mbi krye, i qëndronte plaku Alvarez, i cili hedh sytë mbi dërrasën e gërvishtur dhe fjalën e gdhendur:
-E qartë fare, sjellka.