Gishti | Feng Meng-lung

Një i varfër takoi gjatë rrugëtimit të tij një mik të hershëm. Ai kishte një fuqi të mbinatyrshme që e lejonte të bënte mrekulli. Tjetri, si mos më keq që ishte, nisi menjëherë nga ankesat për jetën e vështirë që kishte, ndërsa miku për ta ndihmuar, rrëmben një tullë prej rrugës dhe me ta prekur me gishtin e vogël e shndërron në ar. Ia ofroi të varfrit si ndihmë për problemet e tij, por ai tha se kjo ishte shumë pak dhe nuk mjaftonte as për të larë borxhet. Kështu që miku preku menjëherë një luan prej guri dhe e shndërroi në luan prej ari duke ia shtuar këtë dhuratës së tij së mëhershme. Tjetri me keqardhje i thotë se këto dhurata për të do të thoshin shumë pak, thuajse asgjë.
-Çfarë dëshiron më tepër? – e pyeti mrekullibërësi i habitur.
-Gishtin! – u përgjigj tjetri.